Kraken

Ano ang BitTorrent? (BTT)

Gabay ng Nagsisimula


Napukaw ng BitTorrent ang damdamin ng marami sa mga music at movie enthusiast sa maagang bahagi ng 2000, noong inilunsad nito ang software na nangasiwa sa pagbabahagi ng file sa isang peer-to-peer network. 

Sa halip na mag-download o mag-upload ng mga file sa iisang server, sumali ang mga user sa isang network ng mga computer na nagpapagana ng software na nagbibigay-daan sa kanila na magpalitan ng mga file at data sa isa’t isa.

Pero sa paglipas ng mga taon, nahirapan ang BitTorrent na pagkakitaan ang sikat na sikat nilang serbisyo. Dahil dito, nabili ang BitTorrent ng Tron Foundation, ang mga creator ng Tron blockchain, noong 2019. Ang bagong ownership ang nagpakilala ng BitTorrent token cryptocurrency, BTT,  para tulungang mapalawak ang protocol nito at mabigyan ng insentibo ang mga kasali sa network.

Gamit ang BTT token, umaasa ang BitTorrent na makapagbigay ng mga insentibo sa paggamit ng torrent at lutasin ang mga isyu gaya ng mabagal na pag-download at papahigpit na availability ng mga file sa paglipas ng panahon.

Dahil dito, binibili at ginagastos ang BTT coin ng mga taong humihiling ng file o gustong pabilisin ang kanilang pag-download, habang kailangan naman ng mga provider na tumanggap at magbenta ng BTT para mabigyan sila ng kompensasyon sa pagbabahagi ng mga file sa kanilang mga system.

Para sa mga mas regular na update mula sa BitTorrent team, puwede mong tingnan ang BitTorrent blog, na naglalaman ng mga bagong feature at milestone na nauugnay sa network at mga application nito.

What is bittorrent btt


Sino ang gumawa ng BitTorrent?

Inisyal na na-release ang BitTorrent noong 2001 ng mga developer na sina Brad Cohen at David Harrison. Ang Tron Foundation, na pinamumunuan ni Justin Sun, ang nakabili sa BitTorrent Foundation noong 2018.

Pagkatapos ng pagbili, ipinakilala ang BTT token sa publiko ng BitTorrent team noong 2019 sa pamamagitan ng isang Initial Coin Offering (ICO). Nakapag-isyu ang sale ng 6 na porsyento ng kabuuang supply ng BTT, na katumbas ng humigit-kumulang $7.2 milyon.

Maliban sa bentahan ng token, naglaan din ang BitTorrent ng mga token sa TRON Foundation, BitTorrent Foundation, mga airdrop, mga partnership, at sa BitTorrent ecosystem. 

Paano gumagana ang BitTorrent Token?


Sa pinakasentro nito, ang BitTorrent ay isang software na nagkokonekta sa mga party na nag-a-access sa network nito para mag-compute ng mga kahilingan sa pagbabahagi ng file. Nagsisimula ang mga transaksyon kapag humiling ang isang user ng mga file mula sa mga provider na nagho-host sa mga file sa kanilang computer. 

Hahati-hatiin ang mga ito ng mga provider na nagho-host sa mga file sa maraming piraso. Kung gusto ng mga humiling na i-download ang naturang file, makakatanggap sila ng mga piraso ng parehong file mula sa iba’t ibang provider.

Ang expansion ng BitTorrent sa BTT ay ginawa para gawin itong mas nakabahaging network, na magbibigay ng kompensasyon sa mga provider habang pinapataas ang pagiging efficient ng pagbabahagi ng malalaking file para mabawasan ang pagbigat ng server at network.

Puwede ring mag-alok ng mga BTT token ang isang humihiling sa isang provider kapalit ng mga lokal na resource, gaya ng bandwidth, para tumanggap ng content o para sa storage ng remote backup. 

Arkitektura

Bagama't isinasagawa ang mga transaksyon sa file ng BitTorrent sa sarili nitong software, umaasa ang network sa Tron blockchain para magpanatili ng record ng lahat ng transaksyon ng BTT. 

Kapag may bid na naitugma sa pagitan ng isang humihiling at mga service provider, may gagawing channel ng pagbabayad sa Tron para pangasiwaan ang mga micropayment na kailangan bawat provider, batay sa piraso ng file na naibahagi nila.

Kapag naisapinal na ang serbisyo, iba-bundle ang mga micropayment na ito, at ise-settle at ila-log ang mga ito sa Tron blockchain.

Mga Decentralized Application

Nile-leverage din ng BitTorrent network ang isang hanay ng mga smart contract ng Tron para gumawa ng iba’t ibang decentralized application (dapp) para pahusayin ang mga serbisyo nito.

Pangunahin sa mga ito ang BitTorrent Speed, isang dapp na nag-aalok sa mga humihiling ng kakayahang bumili ng provider bandwidth gamit ang BTT para mapabilis ang pag-download. 

Ang isa pang sikat na dapp ay ang BitTorrent File System (BTFS), isang file storage protocol na naglalayong tugunan ang mga isyu ng gastos at pagtitiwalang natural na sa mga sentralisadong storage system. Gumagana ang BTFS na gaya lang din ng mga decentralized na cloud storage platform gaya ng Filecoin, Siacoin at Storj, kung saan may magkakaibang teknikal na kakayahan ang bawat isa.

 


Bakit may halaga ang BTT?

Ang BTT cryptocurrency ang nagsisilbing cryptocurrency na kailangan para ma-access ang mga feature sa network, na may layuning maging sentral na feature ng ecosystem nito.

Halimbawa, ito lang ang anyo ng pagbabayad na puwedeng gastusin ng mga humihiling kapag pumapasok sila sa mga kasunduan kasama ng mga provider.

Bilang karagdagan, sa pamamagitan ng pagbili at paggastos ng BTT, nagkakaroon din ang mga humihiling ng kakayahang bumili ng priyorodad na access sa mga pag-download ng file, pati na mga computational na serbisyo para mapabilis ang pag-download. 


Bakit gagamit ng BTT?

Para sa mga user, puwedeng nakakengganyo ang BitTorrent dahil sa kakayahan nitong magbahagi ng mga file sa libre at efficient na paraan. 

Puwede ring nakakaengganyo ang BitTorrent sa mga developer na nagpaplanong maglunsad ng mga bagong application sa pagbabahagi ng file na makikinabang sa isang subok nang user base. 

Puwede ring idagdag ng mga investor ang BTT sa kanilang portfolio kung naniniwala silang balang araw ay mas gugustuhin ng merkado ang mga peer-to-peer na network kung saan mas madaling maa-access at mamo-monetize ng mga kasali ang mga hindi nagagamit na resource.

Simulang bumili ng Cryptocurrency


Hindi pa kami nag-aalok ng BTT sa Kraken, pero tingnan ang buo naming seleksyon dito at mag-sign up para sa isang account!