Maaaring kumita ng rewards kapag nag-stake ng mga cryptocurrency at fiat bilang insentibo sa pagkakaroon at paghawak ng mga staking asset. Maaaring mangailangan ng bonding period ang ibang mga staking coin. Para kumita ng staking rewards, piliin lamang ang asset na gusto mong i-stake at sa sandaling matapos ang bonding period, handa na itong magsimulang mag-stake at kumita ng rewards dalawang beses sa isang linggo mula sa Proof of Stake process.

Ang mga sikat na coin tulad ng Bitcoin ay proof of work. Ibig sabihin, sila ay nalilikha gamit ang mga makinaryang nakikipagkompetensya sa isa't isa upang lutasin ang mga kumplikadong equation para "minahin" ang mga coin at digital asset. Sa kabilang banda, ang proof of stake naman ay gumagana sa pamamagitan ng pagpili mula sa pool ng mga taong may hawak ng Proof of Stake coin. Ang isang Proof of Stake “validator node” ay maaaring maidagdag sa pool sa pamamagitan ng pag-stake ng mga coin sa isang tiyak na tagal ng panahon, na nagbibigay sa mga Proof of Stake validator ng mapagkukunan ng kita na hindi nangangailangan ng malakas na mining hardware.

Ito ang mga klase ng coin at fiat currency na maaaring pagkakitaan ng rewards mula sa staking service ng Kraken. Halimbawa, ang mga staking coin tulad ng Tezos (XTZ), Dash (DASH), at Cosmos (ATOM) ay maaaring bilhin sa Kraken at i-stake upang kumita ng rewards.

Pinapayagan ng On-Chain staking ang pag-stake ng iyong mga asset sa mga blockchain Proof of Stake protocol tulad ng Tezos, habang pinapahintulutan naman ng Off-Chain staking ang pag-stake ng iyong mga asset sa mga Kraken Margin Pool. Ang off-chain staking ay available lamang sa mga eligible na bansa.

Mangyaring puntahan ang aming FAQ page rito.